COVID-19 vers2

Ticker vun der Stëftung Hëllef Doheem zum CORONAVIRUS / COVID19

 

Matgedeelt den 24.03.2020

D'Decisioun vun der Lëtzebuerger Regierung fir den "Noutstand" zu Lëtzebuerg ze deklaréieren huet als Zil d' CORONAVIRUS / COVID19 Pandemie ze bekämpfen. D'Beweegungsfräiheet vun de Bierger gëtt weider reduzéiert fir Kontakter ze vermeiden déi en Ustieche kënne verursaachen.

Mat hirem arrêté ministériel vum 23. Mäerz 2020 huet d'Regierung d'Hëllefs a Fleegedéngschter opgeruff hir Aktivitéiten op de strenge Minimum ze limitéieren, d.h. hir Personal haaptsächlech fir déi dréngend an noutwendeg Fleeg anzesetzen (Mémorial A, Nr. 177 vum 23. Mäerz 2020).

An der Tëschenzäit hu mir all Client informéiert an déi néideg Hëllef a Fleeg wäert weider vun der Stëftung Hëllef Doheem gemaat ginn. Wann néideg, gëtt de Kontakt mat de Clienten iwwer Telefon bäibehalen.

Mir versécheren Iech, datt mir all déi vum Gesondheetsministère virgeschriwwe Schutzmoossnamen ëmgesat hunn.

Fir zousätzlech Informatiounen iwwer COVID-19 ze kréien, kënnt Dir de Site consultéieren: www.gouvernement.lu.

Am Fall vu spezifesche Froe kënnt Dir och d'Hotline kontaktéieren, ënner der Telefonsnummer 8002 8080 vun der Direction de la Santé.

 

Villmools Merci fir Äert Versteesdemech!

D'Direktioun vun der Stëftung Hëllef Doheem, de 24. Mäerz 2020

 

 

Matgedeelt den 15.03.2020

Léif Clienten,


Am Kontext vun der COVID-19 Coronavirus Pandemie wëlle mir Iech informéieren datt mir als Deel vun der Betreiung fir eis Clienten all Schutzmoossnamen agefouert hunn, déi vum der Direction de la Santé virgesi sinn.

Geméis den Instruktioune vum Gesondheetsministère gëtt d'Droe vu Schutzkleeder, Händschen, Masken a Brëller nëmme virgesinn am Fall vum direkte Kontakt mat engem COVID-19 Patient oder a spezifesche Fleegsituatiounen.

Als intern Virsiichtsmoossnam hu mir eng systematesch Temperaturmossung etabléiert ier en Client an ee vun eisen Dageszenter kënnt, den Zougang zu eisen Dageszenteren ass och ab elo fir déi ofhängegst Persoune reservéiert.

Ofhängeg vun der Evolutioun vun der Pandemie, kéinte mir gezwonge sinn eng Zuel vun eise Gesondheets- a Fleegeservicer ze reduzéieren oder ze stoppen. Dir géift dann doriwwer informéiert ginn.

Déi wesentlech Servicer wäerten trotzdeem weider funktionéieren.

Wat präventiv Verhalen ugeet, invitéiere mir Iech d'Affiche vum Gesondheetsministère ze liesen.

Fir zousätzlech Informatiounen iwwer COVID-19 ze kréien, kënnt Dir de Site consultéieren: www.gouvernement.lu.

Am Fall vu spezifesche Froe kënnt Dir och d'Hotline kontaktéieren, ënner der Telefonsnummer 8002 8080 vun der Direction de la Santé.

 

Merci fir äert Versteesdemech!
D'Direktioun vun der Stëftung Hëllef Doheem, de 15. Mäerz 2020

Zentralverwaltung

Stëftung Hëllef Doheem
48a, avenue Gaston Diderich
L-1420 Luxembourg

Adress

Stëftung Hëllef Doheem
B.P. 1878
L-1018 Luxembourg

Kontakt Donnéeën

Tél.: (+352) 40 20 80
Fax: (+352) 40 20 80 -6609
Email: info@shd.lu

Am Kader vun der neier europäescher Regulatioun fir den Schutz vu perséinlechen Donnéeën (GDPR / RGPD) hu mir eis Politik vu Dateschutz an Erfaassung vu Cookien aktualiséiert. Méi Informatioun.