Wondmanagement

Bei eis ginn Är Wonne gutt versuergt. Ee Konzept, dat wierkt

D’Stëftung Hëllef Doheem setzt op eng breet gefächert Betreiung vun hire Clienten. D’Zil dobäi ass et, de betraffene Leit een héchstméiglechst Mooss un Normalitéit a Liewensqualitéit an hirem Doheem z’erhalen. Dowéinst gëtt eis Offer fir d’Betreiung ëmmer erëm ugepasst an no de Besoine vun der Konnschaft erweidert. Dozou gehéieren och nei Pisten/Weeër am Beräich vun der Versuergung vu Wonnen.

Déi professionell Versuergung vu Wonnen doheem ass eng speziell Leeschtung, déi ëmmer méi Zoulaf kritt a sech als eng reell Plus-value fir d’Clienten erausstellt.

„Wéi kann eng betraffe Persoun trotz hirer Wonn gutt doheem liewen ?“

D’Äntwert op dës Fro ass fir déi ambulant Fleegedéngschter eng besonnesch Erausfuerderung, wéi d’Gertrud Eul-Kockelmann erkläert. Si ass Expert am Beräich vun der Versuergung vu Wonnen a schafft an der Abteilung fir Qualitéitsmanagement bei Hëllef Doheem.

Duerch eng ëmmer méi geréng Openthaltszäit vun de Patienten an de Spideeler, awer och duerch déi héich Unzuel u Leit mat chronesche Wonne sinn d’Ufuerderungen un d’Fleeg doheem geklommen an erfuerderen ëmmer méi dacks den Asaz vu Spezialisten aus de respektive/jeeweilege Fachberäicher.

„Fir eng erfollegräich Behandlung ze garantéieren, ass et primordial fir all Acteur vun der Fleeg, sech entspriechend ze qualifizéieren an op een internen Austausch ze setzen“, betount d’Spezialistin Eul-Kockelmann. Am Mëttelpunkt vun der Versuergung vu Wonne steet een individuelle Behandlungsplang fir all Client, deen Hand an Hand mat den Acteuren aus der Fleeg, mat eise Spezialisten an nom Ofschwätze mat de respektiven Dokteren ausgeschafft an duerno ausgeféiert gëtt.

Fir um aktuellste Stand vu fleegewëssenschafltechen a medezineschen Entwécklungen ze bleiwen, ginn eis Mataarbechter aus der Fleeg bei Hëllef Doheem permanent weidergebilt.

„Mat dësem Bagage vu Wësse gesi mir eis Fachkraaft gutt ausgerëscht, fir der steigender Unzuel u chronesche Wonnenzoustänn, a Relatioun mat Vollekskrankheete wéi Diabetes millitus, entgéintzetrieden.“

Eis Clientë kënnen net nëmme vun enger kompetenter Versuergung vu Wonnen, ma och vun enger liewenspraktescher Berodung profitéieren – dëst ass ee wesentleche Punkt am Management vu Wonnen. „Mir mussen de Leit am Ëmgang mat hirer Wonn op eng berodend Aart a Weis hëllefen, datt si wësse wat ze maachen ass, wärend deenen 23 Stonnen am Dag, wou mir net do sinn“, präziséiert d’Gertrud Eul-Kockelmann.

Déi ausgebilte Wonnenexpert erënnert an dësem Zesummenhang dann och un d’Wichtegkeet vum Dokumentéiere vun de Wonnen, datt den Therapieverlaf fir d‘Fleegepersonal an och fir de Client selwer ëmmer zur Verfügung steet. Hei kënnt den elektroneschen Dossier vun der Fleeg an d’Spill, deen Hëllef Doheem ubitt an dee sech als immens hëllefräich erausgestallt huet. Dësen Dossier vereinfacht net just d’Zesummenaarbecht vun all den Acteuren (Client, Fleeg, Dokter), ma dokumentéiert och den individuelle Plang vun der Fleeg, deen duerch méiglech Verännerungen einfach adaptéiert ka ginn.

Wonnemanagement kuerz erkläert

Ënnert dem Begrëff Wonnemanagement ass eng strukturéiert, interdisziplinär Versuergung vu Wonnen ze verstoen, déi d’Analys, d’Behandlung, d’Péngtherapie an d’Dokumentatioun ëmfaasst.

Mir verspriechen eis duerch dëse konsequente Management fir de Client ë.a., datt:

  • de Client selwer matbestëmmt a mat doru schafft, wéi seng Therapie auszegesinn huet

  • d’Zesummenaarbecht tëscht den Acteuren vun der Behandlung verbessert gëtt

  • den Heelungsprozess däitlech verkierzt gëtt

  • de Client manner Péng erdroe muss

  • chronesch Wonne besser geheelt kënne ginn

  • d'Kontinuitéit an der Versuergung besser gëtt

Wondmanagement
Scherzbehandlung

Zentralverwaltung

Stëftung Hëllef Doheem
48a, avenue Gaston Diderich
L-1420 Luxembourg

Adress

Stëftung Hëllef Doheem
B.P. 1878
L-1018 Luxembourg

Kontakt Donnéeën

Tél.: (+352) 40 20 80
Fax: (+352) 40 20 80 -6609
Email: info@shd.lu

Am Kader vun der neier europäescher Regulatioun fir den Schutz vu perséinlechen Donnéeën (GDPR / RGPD) hu mir eis Politik vu Dateschutz an Erfaassung vu Cookien aktualiséiert. Méi Informatioun.